Liverpooli pranon ofertën e Bournemouthit

Edhe pse cilësohej si lojtar i talentuar dhe shumë premtues, Jordon Ibe është shumë pranë largimit nga ‘Anfield Road’.

Sky Sports raporton që skuadra e Liverpoolit ka pranuar ofertën e Bournemouthit për transferimin e anglezit 20-vjeçar, me marrëveshjen që pritet të kompletohet për shumën e 15 milionë funteve në ditët e ardhshme.

Nëse kompletohet marrëveshja, ky do të ishte transferimi i katërt i Bournemouthit këtë verë, skuadër e cila po përforcohet dukshëm për sezonin e ardhshëm. Deri më tani, Bournemouthi ka siguruar shërbimet e Nathan Akes nga Chelsea (huazim), mesfushorit Emerson Hyndman nga Fulhami dhe sulmuesit Lys Mousset nga Le Havre.