Kupa e Kosovës, javën tjetër

​Çiftet çerekfinale të Kupës së Kosovës në futboll janë bërë të ditura sot. Finalisti i Kupës në vitin e kaluar, Ferizaji, që udhëhiqet nga Bylbyl Sokoli do të përballet me Drenicën si vendas, që ka qenë me rëndësi pasi që fituesi dhe gjysmëfinalisti përcaktohen pas një ndeshjeje. 

Trepça do të pret Hysin në Mitrovicë, derisa Prishtina do të jetë nikoqire e Hajvalisë. Në ndeshjen tjetër çerekfinale do të përballen ekipet nga Liga e Parë, Istogu dhe Fushë Kosova, që kishin eliminuar Lirinë, përkatësisht Vëllaznimin në 1/8 e finales së Kupës.

Ndeshjet janë paracaktuar të luhen më 10 prill.

ÇIFTET ÇEREKFINALE