Kush është kundërshtari i radhës i Kosovës?

Benini pritet të jetë kundërshtari i radhës i përfaqësueses së Kosovës. Borozani.com

Sipas të përditshmes sportive, Arena, Kosova do të luajë me shtetin afrikan në Lihtenshtajn, pas dështimeve për ta aranzhuar takimin në Zvicër ose Gjermani.

Përfaqësuesja e Beninit gjendet në pozitën 86 të renditjes botërore të FIFA-s, duke u vlerësuar si një ekip mesatar nga kontinenti i Afrikës.

Në ndeshjen e fundit kjo përfaqësuese kishte pësuar humbje me rezultat të thellë 4-1 ndaj Tanzanisë në miqësore e muajit të kaluar. Benini nuk ka marrë pjesë asnjëherë në ndonjë kampionat botëror, ndërsa në kampionatin afrikan është kualifikuar vetëm tre herë (2004, 2008, 2010).

Lojtari kryesor i Beninit vlerësohet të jetë mesfushori ofansiv, Stephane Sessegnon, që luan me skuadrën West Bromwich Albion në Premier League.

Ndeshja ndërmjet Kosovës dhe Beninit nuk është zyrtarizuar ende, por besohet se gjasat janë maksimale për t’u zhvilluar kjo ndeshje. Sipas Arenës, kjo ndeshje pritet të zhvillohet brenda datës 14-18 nëntor.