Mou pranon vështirësitë, Chelsea kalon

Lideri i Premier League-së, Chelsea, ka kaluar në çerekfinale të League Cup sonte, duke e mposhtur ekipin e Shrewsbury Town 1-2. 

Mirëpo, fitorja e Chelseat nuk ka ardhur shumë lehtë, pasi që ata në fund iu falenderuan një autogoli të vendasve për kualifikim. 

“E kam ditur, e kam ditur para ndeshjes që nuk do të jetë lehtë. Nuk kam pritur asgjë përveç ndeshjes së vështirë dhe kam qenë i gatshëm edhe për vazhdime. Dua të shtoj se Petr Cech dhe Jon Obi Mikel përkundër se nuk janë standard në ekip, erdhën këtu dhe treguan një shembull të madh të profesionalizimit. Kanë qenë briliant,” ka thënë Jose Mourinho pas ndeshjes për Sky Sports.