LEAGUE CUP

Balotelli këndell Liverpoolin
28 October, 2014 @23:16
Liverpool ishte shumë afër që të eliminohej nga League Cup sonte. Uellsianët e Swansea kishin marrë epërsinë në ndeshje 25 minuta pa përfunduar ndeshja dhe gjithçka dukej se po shkonte në favor të tyre deri kah fundi i ndeshjes.
Mirëpo, futja e Mario Balotellit në lojë nga ana e trajnerit Brendan Rodgers u shpërblye me kualifikim të Liverpoolit te tetë ekipet më të mira të kësaj gare.
Balotelli shënoi 5 minuta pa përfunduar ndeshja për të barazuar rezultatin, derisa krejt në fund, qendërmbrojtësi kroat i Liverpoolit, Dejan Lovren vulosi fitoren e të kuqve për kualifikim të mëmtutjeshëm në Kupë të Ligës.
Ky ka qenë goli i parë i Mario Balotellit në këtë garë, derisa ai ka edhe një gol të shënuar për Liverpoolin në Ligë të Kampionëve - por italiani i ardhur nga Milan, ende është në kërkim të golit në Premier League.
Liverpool me këtë fitore ka eliminuar Swansean nga kjo garë dhe është kualifikuar ndër tetë ekipet më të mira të kësaj gare.