Lajm i mirë për Liverpoolin, Van Dijk pranë rikthimit

Lajm shumë i mirë për skuadrën e Liverpoolit kur jemi rreth 3 javë para fillimit të sezonit të ri të Premier Leagues.

Qendërmbrojtësi holandez, Virgil van Dijk, duket se e ka lënë pas vetes lëndimin e rëndë që e pati dhe mund të jetë i gatshëm për përzgjedhje në ndeshjen miqësore që Liverpooli e zhvillon të enjten ndaj Herthës së Berlinit.

Van Dijk u lëndua në tetor të vitit 2020 në ndeshjen që Liverpooli e luajti ndaj Evertonit, e që nga ajo ndeshje ai nuk ka luajtur as edhe për një minutë. E të enjten, ai mund të bëjë paraqitjen e tij të parë pas rikthimit nga lëndimi, qoftë edhe për pak minuta, që të rikthehet pastaj dalëngadalë në formacionin startues gjatë sezonit të ri të Premier Leagues.