SIENA FITON
REUTERS/Tony Gentile
Lazio s’mund të besojë!
18 February, 2013 @22:49
Ekipi i fundit në renditjen tabelare të Serie A-së, Siena, ka arritur të shënojë fitoren e tretë me radhë në shtëpi.
Bardhezinjtë kësaj radhe kanë mposhtur ekipin e tretë në renditje, atë të Lazios, ku sonte Lorik Cana dhe Tomas Strakosha (dy shqiptarët) kanë qëndruar në bankën rezervë.
Siena ka udhëhequr me golin e Innocent Emegharas, pastaj ka ngritur epërsinë i zhdërvjellti Alessandro Rosina, ndërsa Emeghara në pjesën e dytë ka shënuar për rezultatin përfundimtar 3-0.
Me këtë humbje ekipi i Vladimir Petkovicit, Lazio, ka humbur vendin e tretë në tabelë, ku tashmë qëndron Milan, ndërsa Siena ka kërcyer prej vendit të fundit në të 18-tin dhe mban gjallë shpresat për mbijetesë.
REZULTATI:
| Siena - Lazio 3-0 |
