Legia e Besnik Hasit afër Champions Leagues

Me rezultat 0-2 është mbyllur takimi mes Dundalkit dhe Legias së drejtuar nga Besnik Hasi, takim i cili u zhvillua në kuadër të fazës play-off të Champions Leagues, faza e fundit para fillimit të grupeve të garës më të mëdha për klube në kontinentin e Evropës.

Goli i epërsisë për skuadrën e gjakovarit Hasi erdhi në minutën e 56’ nga pika e bardhë kurse polakët shënuan edhe një herë në fund të takimit, për t’u afruar edhe më tepër me kualifikimin në grupe, duke marrë parasysh faktin që takimin e kthimit e zhvillojnë në shtëpinë e tyre javën e ardhshme dhe avantazhi i krijuar sonte i favorizon shumë.

Në ndeshjet tjera të fazës play-off, ra në sy fitorja e Monacos si mysafir i Villarealit, ndërsa ndeshja që pritej me më shumë interesim, ajo mes Portos e Romës, përfundoi me rezultat 1-1.

Lista e plotë e rezultateve:

Ajax 1-1 Rostov
Dinamo Zagreb 1-1 Salzburg
Copenhagen 1-0 APOEL
Steaua Bucurest 0-5 Manchester City
Young Boys 1-3 Borussia Monchengladbach
Celtic 5-2 H.Beer Sheva
Dundalk 0-2 Legia
Porto 1-1 Roma
Ludogorets 2-0 Plzen
Villareal 1-2 Monaco

Ndeshjet e kthimit zhvillohen javën e ardhshme, më 23 e 24 gusht.