Liburni me përforcim nga Superliga e Francës

Përmes një njoftimi në Facebook, klubi i Liburnit ka njoftuar se në radhët e tij e ka angazhuar një përforcim nga Superliga e Francës.

Bëhet fjalë për lojtarin Arbër Shkodra, i cili deri më tash ishte pjesë e skuadrës Orchies Douai Futsal, ndërsa që nga sot karrierën do ta vazhdojë te Liburni.

TABELA AKTUALE FUTSALL SUPERLIGA

Shkodra është përforcimi i dytë i skuadrës gjakovare në këtë afat kalimtar pas Valdrin Qestajt, i cili u transferua nga skuadra e Junikut ditë më parë.

Përveç ligës së Kosovës, Liburni po lufton edhe për Kupën e Kosovës, garë në të cilën skuadra gjakovare luan këtë fundjavë ndaj Besës në Pejë në kuadër të fazës gjysmëfinale.