Lideri i ardhshëm i Realit

Çdo ndeshje e Real Madridit është ngjarje për kroatët, pasi që askush nuk dëshiron të mbetet pa shikuar lojtarin më të mirë kroat aktualisht, Luka Modric. 

Davor Suker, kreu i Federatës së Futbollit të Kroacisë dhe ish sulmuesi i Real Madridit ka qenë prezent në Old Trafford pardje për të shikuar nga afër yllin e kombëtares kroate. 

“Jam tejet i kënaqur me arritjet e tija, sepse ai e meriton. Ai punon në qetësi dhe ka vetëbesim të madh. I dëshiroj të gjitha të mirat, ndërsa dalë-ngadalë, ai do të merr barën kryesore në Real Madrid. Ndeshja ndaj Manchesterit në Angli e tregoi këtë,” ka thënë Suker, njofton e përdishmja madrilene Marca sot. 

Luka Modric është mesfushor kreativ. Ai erdhi te Real Madridi nga Tottenhami. Modric shënoi golin e barazimit në ndeshje ndaj Manchester Unitedit, me një shut të pakapshëm për portierin.