Liderit i suspendohet terreni

Liderja e Superligës së Kosovës dhe ekipi i vetëm pa humbje në elitën e futbollit kosovar deri më tani në stinorin e ri, Hajvalia, nuk do të mund të llogarisë në terrenin vendas tash e tutje. 

Kjo pasi që Komisioni për Inspektim të Objekteve pranë Federatës së Futbollit të Kosovës, ka suspenduar terrenin e liderit për shkak të kushteve shumë të dobëta aty. 

Mungesa e drenazhit, që shkakton grumbullim të insekteve në stadium, mungesa e dushave dhe pika tjera janë numëruar si mangësi, që ka çuar në suspendim të terrenit të liderit, njoftojnë mediat sportive sot.