Spliti feston me Cikalleshin

Pas dy barazimeve dhe një humbjeje, skuadra e Sokol Cikalleshit, Split, ka arritur ta gjejë rrugën e fitores, ndërsa për këtë fitore konributi erdhi edhe nga vet futbollisti shqiptar.

Split shënoi fitore me rezultat 3-0 ndaj Zadarit në kuadër të xhiros së dhjetë të kampionatit kroat, kurse Cikalleshi ishte realizatori i golit të tretë, të cilin e shënoi në minutën e 82’, e që ky ishte goli i tretë në kampionat për ish mesfushorin e Kukësit, pas atij dygolëshi që kishte shënuar në përballje kundër Lokomotivës së Zagrebit.

Skuadra e Splitit gjendet në pozitën e katërt të radhitjes tabelare me 13 pikë, dy më shumë se Zadari që gjendet në pozitën e shtatë.