Lila e Vila renovojnë me Janinën

Mbrojtësi Andi Lila dhe mesfushori Emiliano Vila kanë renovuar kontratat e tyre me ekipin që bën pjesë në elitën greke, PAS Janina. 

Skuadra greke ka parë të arsyeshme që të renovojë me dyshen e kombëtares shqiptare, të cilët menjëherë pas nënshkrimit të kontratës kanë shkëlqyer në ndeshjen e fundit ndaj Arisit. 

Sipas PAS Janinën, kreu i klubit të tyre, Giorgios Christovalis, ka arritur që të bind dyshen shqiptare që të qëndrojnë në Greqi, përkundër ofertave tjera, e veçanërisht ajo e Chievos në Serie A për Lilën. 

Dyshja e kombëtares shqiptare kanë zgjatur kontratat me klubin grek, për tre vitet e ardhshme. Kështu, Lila 27 vjeç dhe Vila 25 vjeç do të jenë pjesë e klubit PAS Janina deri në qershor të vitit 2016. 

Përndryshe PAS Janina është në pozitën e shtatë të Superligës greke të futbollit me 23 pikë të tubuara nga 17 ndeshjet e para të stinorit, pra një gjysmëstinor, derisa lider është Olympiacosi me 49 pikë nga po aq ndeshje.