PAS NDESHJES
Lindeman: Do të përmirësohemi ende
24 September, 2016 @20:47
Pas fitores së rëndësishme ndaj Feronikelit në Drenas, kryetrajneri i Prishtinës, Lutz Lindeman, u shpreh:
“Komplimente Feronikelit. Ka qenë një ekip shumë i mirë dhe këtë e dëshmoi sidomos në pjesën e dytë. Kurse ne, siç shënuam herët në pjesën e parë, po ashtu u desht të shënonim herët edhe në pjesën e dytë, por Abdul nuk shënoi nga rast i pastër dhe pastaj Feronikeli bëri presion. Rreth ndërrimeve, në Gjermani thonë se kur skuadra fiton, atëherë trajneri gjithmonë ka të drejtë. Abdul nuk ishte në formacion para ndeshjes, por patëm disa probleme me lëndime ashtu që ai u aktivizua pa pritur dhe nuk ka qenë krejtësisht i gatshëm fizikisht dhe i duhet të punojë shumë që jetë i përgatitur dhe të luaj tërë ndeshjen. Ndërsa, unë edhe njëherë po ju them, se ne nuk jemi ekip arrogant, nuk do ta nënçmojmë asnjë ekip, por do të angazhohemi 100% dhe ne do të punojmë më tutje që të përmisohemi”.
Me këtë fitore, Prishtina është ngjitur në krye të tabelës me 16 pikë të tubuara.
