Liria bën befasinë e radhës në Kupë, eliminon lideren e Superligës

Skuadra e Ligës së Parë Grupi A të Kosovës, Liria, që shkoi sot si mysafir në Gjilan për tu ndeshur me Dritën në kuadër të 1/16 të Kupës së Kosovës, ka përgatitur një befasi të radhëss në kuadër të garës.

Pas FC Prizrenit (Liga e Dytë) që eliminoi Istogun (Liga e Parë), Liria bëhet ekipi i dytë që arrin të eliminojë një ekip nga Superliga, duke e mposhtur Dritën lidere të Superligës, Drita 1-2 Liria [Marko Simonovski 32 - Prins Tjiueza 3, Ardit Topallaj 90].

Ekipi i drejtuar nga Xhengis Rexhepi ka treguar forcën në momentet vendimtare të ndeshjes, ndërsa portieri Drilon Hodaj pos golit të pranuar në pjesët tjera të rasteve të intelektualëve ka qenë i pagabueshëm, duke shpëtuar skuadrën në disa raste të mira të vendasve të drejtuar nga Ardian Nuhiu.

SKEMA E KUPËS

Dy trajnerë që vijnë nga Shkupi dhe Tetova, kanë pasur një ndeshje të ngjeshur, por Rexhepi në fund festoi me ekipin duke bërë befasinë e Kupës, pas golit të Ardit Topallajt në fund të ndeshjes. Topallaj ishte i saktë në kërcim pas krosimit nga korneri që erdhi prej Liridon Fetahajt, për të shënuar në portën e Florian Smakiqit. Fetahaj, gjithashtu bëri asist edhe në golin e parë të ekipit, kur namibiani Prins Tjiueza shënoi për epërsi të hershme të ekipit prizrenas.

Me këtë fitore, Liria ka siguruar një vend në të tetën e finales së Kupës, ndërsa Dritës tashmë i mbetet të koncentrohet vetëm në kampionat, ku pos garave evropiane do të kërkojë edhe titullin kampion me ekipin që ka.