Liria s’i afrohet kreut, barazim ndaj Istogut

Liria nuk ka shfrytëzuar rastin ideal për t’iu afruar kreut të Ligës së Parë A, duke barazuar ndaj Istogut në shtëpi, 1-1 [Qëndrim Gashi 44p. - Qëndrim Jahaj 19].

Për më tepër, Liria është dashur të luftojë për të shpëtuar një pikë në Përparim Thaqi, pasi që mysafirët me sulmuesin e tyre të dalluar morrën epërsinë herët në ndeshje.

Ka qenë Qëndrim Jahaj që i ka dhënë epërsinë mysafirëve me golin e shënuar në minutën e 19 të ndeshjes.

TABELA AKTUALE

Istogu i drejtuar nga Nazmi Rama, pati edhe disa raste tjera për shënim pas golit, por nuk arriti të shënojë më.

E kjo në më vonë iu revanshua, pasi që Liria fitoi penallti, të cilën e konkretizoi Qëndrim Gashi për të barazuar rezultatin.

Deri në fund të ndeshjes, veçanërisht në minutat e fundit të saj prizrenasit tentuan të bëjnë më shumë, por assesi nuk gjetën rrjetën e portës së troftave, për tu ndarë kështu me nga një pikë.

Në xhiron që vjen, Liria është mysafire e kryesuesit Onix, ndërsa Istogu shkon në Vushtrri.