STOKE - LIVERPOOL
Liverpooli del fitues ndaj Stoke Cityt
29 November, 2017 @22:53
Me një gol të Sadio Manes në pjesën e parë dhe me dy tjerë të Mo Salahit të inkuadruar nga banka rezervë në pjesën e dytë, Liverpooli ka arritur ta fitojë duelin e zhvilluar ndaj Stoke Cityt.
Ndeshja ishte mjaft interesante, me Stoken që nuk dorëzohej dhe kërkonte të dilte me pikë nga terreni i vet, mirëpo Liverpooli nuk lejoi befasi dhe arriti ta shënojë kështu fitoren e shtatë sezonale.
Kur jemi te statistikat individuale, me 2 golat e shënuara sonte, Mo Salah ndodhet i pari në listën e top golashënuesve të Premier Leagues. Salah tashmë ka 12 gola të realizuara, ndërsa pas tij ndodhet Harry Kane me 10.
Startues për Stoken sonte ishte edhe Xherdan Shaqiri, mirëpo ai dhe skuadra e tij u detyruan të pajtohen me humbje pas këtij takimi.
Kjo fitore e mban Liverpoolin shumë pranë zonës së top katër skuadrave, ndërsa Stoke momentalisht ndodhet në vendin e 16 me 13 pikë të tubuara.
