LIVERPOOL - ARSENAL
Liverpooli i pamëshirshëm turpëron Arsenalin
27 August, 2017 @18:54
Në mënyrë të turpshme për Arsenalin është mbyllur ndeshja kryesore e javës në Angli.
Skuadra e drejtuar nga Arsene Wenger u deklasua me rezultat 4-0 nga Liverpooli në ‘Anfield Road’, në një takim ku Liverpooli dominoi në çdo cep të fushës, ndërsa Arsenali takimin e mbylli pa as edhe një goditje të vetme në portën kundërshtare.
Firmino, Mane, Salah dhe Sturridge ishin golashënues të Liverpoolit sot, i cili tashmë ka 7 pikë pas 3 ndeshjeve të para dhe ndodhet në vendin e dytë në tabelë.
Sa i përket lojtarëve me origjinë shqiptare te Arsenali, Mustafi, që duket se është pranë largimit, nuk u inkuadrua për asnjë minutë, kurse Xhaka si zakonisht ishte startues, luajti për 90 minuta dhe u ndëshkua me karton të verdhë.
