NË MERDARE
Llapi fiton, Drenica drejt fundosjes
8 May, 2016 @16:28
Skuadra e Llapit ka fituar tre pikë të reja duke e mposhtur Drenicën në shtëpinë e saj me rezultat 3-1.
Mysafirët kaluan të parët në epërsi me golin e Drilon Osmanit, mirëpo në minutat e fundit të pjesës së parë Dardan Jashari shënoi për të shkuar skuadrat në pushim pranë rezultatit të barabartë.
Në pjesën e dytë Llapi shënoi edhe dy gola.
Së pari Ilir Blakqori shënoi një eurogol nga një distancë mbi 20 metra, ndërsa më pas Visar Zeneli e dyfishoi epërsinë e skuadrës së tij për rezultatin përfundimtar 3-1.
Ky rezultat, i ka vështirësuar tej mase punët e Drenicës, e cila është në luftë për mbijetesë, derisa Llapi e ka forcuar pozitën e tij në mesin e tabelës.
