Lorik Boshnjaku vendos, Prishtina ‘prek’ kreun

Në ndeshjen e luajtur sot në kryeqytet, Prishtina ka arritur fitore të lehtë ndaj skuadrës së KEK-ut, skuadër kjo që tashmë edhe matematikisht e ka siguruar rënien në Ligën e Parë.

Dominimi i kryeqytetasve nisi që nga fillimi, ndërsa pas tentimeve të pasuksesshme të Gauthier Mankendës e Mario Morinës, epërsinë vendasve ia solli Lorik Boshnjaku, i cili shënoi një gol tejet të bukur nga distanca në minutën e 36’ të ndeshjes, për ta dërguar skuadrën e tij në pushim me epërsi minimale.

TABELA AKTUALE

Në pjesën e dytë, dominimi i kryeqytetasve vazhdoi, por goli i dytë nuk erdhi për asnjë moment dhe ndeshja u mbyll me rezultatin përfundimtar 1-0, rezultat ky i mjaftueshëm për t’i arkëtuar pikët e plota.

Fitoret e shënuara sot nga Prishtina e Llapi si dhe humbja e Feronikelit nga Ferizaj e bëjnë edhe më interesante garën për titull, garë e cila duket se do të jetë e nxehtë deri në fund.

Xhiron e ardhshme, Prishtina i shkon Gjilanit, kurse KEK-u luan ndaj Feronikelit në Obiliq.

FORMACIONET STARTUESE