Lum Namani (KF Drita), Ylli i javës (19)

Futbollisti i Dritës, Hamdi Lum Namani, është zgjedhur lojtari më i mirë i xhiros së XIX të Superligës së Kosovës.

Namani ka treguar paraqitje dominante në mesfushë, në fitoren e thellë të ekipit të tij ndaj Feronikelit, 7-0.

Mesfushori qendror, realizoi hat-trick në këtë përballje dhe të gjitha golat i dha në pjesë të parë të ndeshjes.

Me këtë, ai merr për herë të parë çmimin e Yllit të javës nga FFK-ja, ndërsa në përgjithësi bëhet lojtari i dytë i Dritës që këtë stinor merr çmimin e Yllit të javës. Të parën e kishte marrë Ardit Tahiri.