Manaj mungon ndaj Lihtenshtajnit dhe Spanjës

Sikurse Kosova, edhe Shqipëria është në telashe me lëndime të futbollistëve.

Sot është njoftuar se sulmuesi i ri i kombëtares shqiptare, Rey Manaj, do të mungojë në dy ndeshjet e radhës kundër Lihtenshtajnit dhe Spanjës, për shkak të lëndimit të pësuar në ndeshjen e fundit ndërmjet Pescaras dhe Chievos në Serie A.

Në ndeshjen që ishte zhvilluar dje, Manaj ishte lënduar në minutën 67’, ndërsa sot pas testeve mjekësore është bërë e ditur që futbollistit i nevojitet kohë për t’u rikthyer në gjendjen e mëparshme shëndetësore.