Mavraj flet për rikthimin

​Lëndimi ndodhi në maj të vitit të kaluar, duke bërë kështu që Mavraj të mos luante në ndeshjet kryesore eliminatore të Kombëtares Shqiptare. Ai humbi edhe shumë ndeshje në Bundesligën gjermane për skuadrën e Kölnit. Mirëpo tash, duket se ai është rikthyer.

Qendëmbrojtësi shqiptar ka folur për faqen zyrtare të klubit gjerman, duke treguar edhe një histori interesante për takimin në spital me vajzën shqiptare:

“Pata një lëndim të rëndë dhe kanë kaluar pothuajse 10 muaj që nga hera e fundit kur kam qenë pa dhimbje. Lëndime të llojit të tillë kanë nevojë për rikuperim të gjatë dhe ka pasur raste kur disa lojtarë nuk janë rikthyer kurrë më pas lëndimeve të ngjajshme. Mund të përmendim rastet e Willy Sagnol ose Patrick Helmes. Mirëpo me punën e madhe nga ana ime dhe me ndihmën nga stafi mjekësor jam rikthyer.” - u shpreh Mavraj.

Mavraj ndeshjen e parë që nga maji e luajti në muajin nëntor për skuadrën e Kölnit U21, një ndeshje e cila i ndihmoi në rikthimin e kondicionit. Mirëpo mbrojtësi i cili në Bundesligë ka 63% të dueleve të fituara, ndodhet në kohën dhe momentin e duhur edhe jashtë fushës.

Në muajin dhjetor, skuadra e Kölnit vizitoi spitalin e fëmijëve në Amsterdam dhe me rastin e Krishtlindjeve skuadra gjermane dhuroi lojëra për fëmijë, fanella, e mbi të gjitha vëmendje për fëmijët e sëmurë. Mavraj me disa futbollistë të Kölnit e vizituan repartin e neurologjisë dhe Mavraj rastësisht takoi një vajzë shqiptare, me të cilën nuk pati nevojë të fliste në gjuhë të huaj. Me të Mavraj pati një bisedë të gjatë, ku pas të cilës i dhuroi fanellën e Kombëtares Shqiptare me nënshkrimin e tij personal.