Mbetet te Hysi

Mentor Zhdrella, i cili tre herë radhazi ka marrë çmimin e futbollistit të vitit në Kosovë, ka vazhduar kontratën me klubin e tij Hysi edhe për tre vitet e ardhshme.

Pak para përfundimit të stinorit vjeshtor të Superligës së Kosovës, përflitej se Zhdrella do të mund të kalonte në ndonjë ekip jashtë Kosovës, mirëpo siç po shihet ai ka vendosur të mbetet, ka bërë të ditur Sport sot.

Hysi i cili këtë stinor po udhëhiqet nga strategu me përvojë, Hysni Maxhuni, pas fillimit të vështirë të stinorit në tre xhirot e para, asnjëherë nuk ka rënë gjatë tërë kampionatit nën vendin e pestë, ku edhe do të dimërojë.