Me dominim total në gjysmëfinale

Kampioni aktual i NBA-së, Golden State Warriors, duke e mposhtur San Antonio Spursin në ndeshjen e pestë të serisë me rezultat 99-91, arriti të kualifikohet në gjysmëfinale të Konferencës Perëndimore.

Përveç ndeshjes së katërt në seri, Warriorsat dominuan totalisht edhepse ishin pa super yllin Stephen Curry, por duhet të ceket se edhe te San Antonio Spurs mungoi super ylli Kawhi Leonard, e mungesa e tij ndikoi shumë në rezultatet e skuadrës.

Në këtë periudhë, përgjegjësinë e morri Kevin Durant, i cili shkëlqeu në këtë seri. Ai dje luajti me 25 pikë, 6 kërcime, 5 asistime e 2 bllokada gjatë ndeshjes, derisa u ndihmua edhe nga Klay Thompson me 24 pikë të tjera.

Te Spursi, nuk mjaftoi performanca e LaMarcus Aldridge, i cili luajti me 30 pikë e 12 kërcime.

SKEMA E PLAY OFFIT

Golden State Warriors, San Antonio Spursin e kaloi me rezultat 4-1 në seri, derisa në gjysmëfinale do të përballet me New Orleans Pelicans që e mposhtën Portlandin me rezultat 4-0.