GAME 4: PACERS - CAVS
Foto: nba.com
Në natën e barazimeve, bashkohet edhe Clevelandi
23 April, 2018 @10:03
Pas Milwaukee Bucks e Washington Wizards, serinë e barazoi edhe Cleveland Cavaliers, duke e mposhtur Indiana Pacersin me rezultat 104-100.
Super ylli i Cavsit, LeBron James, përsëri ishte në skenë. Ai luajti me 32 pikë, 13 kërcime e 7 asistime, derisa u ndihmua edhe nga Kyle Korver me 18 pikë.
Te Indiana shënuan 7 lojtarë pikë dyshifrore, prej tyre më së shumti pikë ka dhënë Domantas Sabonis 19, por nuk mjaftoi për fitore.
Rezultati në seri u barazua në 2-2, ndërsa ndeshja e pestë e serisë do të luhet te palestra e Clevelandit më 25 prill në ora 22:00.
