Pranë kualifikimit

Boston Celtics duke e mposhtur Milwaukee Bucksin me rezultat 92-87 në TD Garden, kaloi 3-2 në epërsi në seri dhe është larg një fitore për t’u kualifikuar në gjysmëfinale të Konferencës Lindore.

Bostoni gjatë ndeshjes ishte në epërsi prej 16 pikëve, por Bucks këtë epërsi arriti ta zbutë deri në fund, por diçka më shumë nuk ndodhi.

Te keltët është rikthyer edhe lojtari Marcus Smart nga lëndimi, i cili ndikoi shumë në lojën e Bostonit. Al Horford luajti me 22 pikë e 14 kërcime, që ishte më i miri te skuadra vendase.

Në anën tjetër, Khris Middleton luajti me 23 pikë, derisa Giannis Antetokounmpo ishte shumë afër shifrave magjike triple-double me 16 pikë, 10 kërcime e 9 asistime.

SKEMA E PLAY OFFIT

Bostoni me këtë fitore kaloi 3-2 në epërsi në seri dhe i duhet vetëm edhe një fitore për t’u kualifikuar në gjysmëfinale të Konferencës Lindore. Ndeshja e gjashtë e serisë do të luhet më 27 prill në palestrën e Milwaukeet.