FADIL BERISHA
Me fitore 90% larg barazhit
10 May, 2016 @15:18
Me fitore ndaj Istogut, Prishtina pretendon t’i ikë përfundimisht rrezikut nga rënia prej elitës duke mënjanuar edhe ndeshjet e Play-Outit.
Së paku, kështu mendon tranjeri i ekipit bardhekaltër nga kryeqyteti, Fadil Berisha, që për faqen zyrtare të ekipit të tij ka thënë se me fitore Prishtina thuajse është e sigurtë në Superligë.
“Shumë ndeshje e vështirë dhe vendimtare. Nëse fitojmë, 90% do t’i ikim barazhit. Pra ndeshjes do t’i hyjmë me angazhim ma të madh të mundshëm që të korrim edhe një fitore,” ka thënë Berisha, shkruan sot prishtinafc.com.
Prishtina gjendet në pozitën e shtatë me 40 pikë të tubuara, ndërsa Istogu është i 11-ti me 31 pikë. Ndeshja zhvillohet nesër në Prishtinë dhe fillon në ora 15.
