Fantasy TopSporti
Të gjitha lajmet
Tabelat dhe Rezultatet

EDY REJA

Me intensitet të lartë

Foto: fshf.org

Me intensitet të lartë


12 June, 2022 @14:51

Përzgjedhësi i Shqipërisë, Edoardo Reja, në konferencën e sotme për shtyp para ndeshjes miqësore ndaj Estonisë që luhet nesër në Tiranë ka thënë se në kombëtare nuk ekziston miqësorja, pasi që pritshmëritë në këtë kombëtare janë të larta dhe gjithmonë duhet qenë aktiv.

“Kam lojtarë konkurrues për nesër dhe që kanë vlerë, kur luan në kombëtare nuk ekziston miqësorja sepse pritshmëritë janë të larta dhe duhen lojtarë me stimuj. Ndaj duhet të luajnë ata që janë aktivizuar më pak dhe jam i bindur se do të paraqiten mirë pavarësisht se është miqësore. Duhet të bëjmë një paraqitje me intensitet të lartë, të paktën këto janë pritshmëritë tona.”

Izraeli?

“E nisëm ndeshjen siç duhej, ndonjëherë humbasim ekuilibrat si në golin e parë ku i dhuruam avantazh kundërshtarit. Duhet të përdorim më shumë mendjen dhe të provojmë t’i korrigjojmë këto. Duhet të vlerësojmë kë kemi përballë dhe të njohim kohën e ndeshjes. Këtë duhet ta përmirësojmë, ne reaguam mirë dhe ne ishim prezentë. Pas golit nuk mund të humbasësh përqëndrimin dhe pasi pësojmë nuk mund të humbasim humorin në fushë. Nuk jemi të vdekur sepse kemi edhe dy ndeshje dhe në Izrael duhet të shkojmë dhe të tregojmë forcën tonë. Kemi edhe Islandën në shtëpi, por duhet të besojmë sepse nuk mund të humbasin besimin pasi pësojmë gol. Edhe një rezultat 2-0 mund të kthehet dhe këtë aspekt duhet të përmirësohemi, sepse mos të reagojmë është papranueshme.”

Estonia?

“Ndaj Estonisë më intereson paraqitje dhe do të doja të shihja një ndeshje të bukur, do të ketë ndryshime në formacion. Nesër në mëngjes do të bëj një vlerësim përfundimtar, kemi lojtarë të rinj si Vrioni, Çokaj, Mersinajapo Muçolli. Por, janë lojtarë që e njohin grupin dhe kanë eksperiencë. Veseli dhe Lenjani kanë qenë më dhimbje grykësh, shpresoj ti rikuperoj. Hysaj mund ta lija pushim, por duke parë situatën, ndoshta më duhet ta aktivizoj. Ai është mësuar të sakrifikoj dhe nuk e ka problem”, nënvizoi Reja në fjalën e tij.


 
Të gjitha lajmet nga Shqipëria