Meha e Roshi shënojnë

Sot qe ditë e mirë për shqiptarët në Bundesliga 2 shikuar individualisht. Ekipet e tyre u mposhtën, por ata shënuan për të barazuar, e që më vonë ekipet e të dyve u mposhtën. 

Meha i afrohet kreut

Alban Meha, mesfushori i kombëtares shqiptare ka arritur që të kthjell ekipin e tij që po lufton për një vend që dërgon në Bundesligë duke barazuar në 1-1 rezultatin ndaj Fortunës që ishte në avantazh. Sidoqoftë, Fortuna në fund ka arritur të fitojë dhe ta ndalë ekipin e Mehës, Paderborn. 

Por, Meha në anën tjetër me golin e 11-të të tij në Bundesliga 2, duke e ditur se është mesfushor i është afruar tepër kreut të golashënuesve 6 xhiro pa përfunduar kampionati në ligën e dytë gjermane. Ai tani po ndjek Mahir Saglikun, që është gjithashtu lojtar i Paderbornit me 14 gola në krye të renditjes së golashënuesve. 

Roshi shënon

Në ndeshjen tjetër, FSV Frankfurt, nuk ka arritur të nxjerrë pikë dhe po e rrezikon statustin e ekipit të Bundesligës 2. Sidoqoftë, mesfushori shqiptar i ekipit, Odise Roshi, ka shënuar golin e barazimit për ekipin e tij për të shpresuar në pikë, që në fund u mposht. 

Për Frankfurtin luajti tërë pjesën e dytë edhe mesfushori i Kosovës, Faton Toski, i cili gjithashtu nuk arriti më shumë për të shpëtuar ekipin nga humbja. 

Me misione të ndryshme

Paderborn mbetet për momentin në vendin e tretë të Bundesliga 2, që i jep mundësi për Play-Off me ekipin e tretë më të dobët të Bundesligës, derisa Frankfurti i Roshit dhe Toskit, për të cilët nuk luajti Kapllani, i duhen së paku edhe 6 pikë në gjashtë xhirot e fundit për të garantuar statusin e ekipit të Bundesliga 2.