Injekcioni financiar, afër

Drejtoresha e Milanit, Barbara Berlusconi, është shumë afër të përfundojë marrëveshjen me Fly Emirates lidhur me sponsorimin e kompanisë ajrore me klubin rossoner. 

Sipas informatave të sotshme të lëshuara nga Gazzetta dello Sport, zonjusha Berlusconi do të mbajë takim javën që vjen me drejtuesit e lartë të Fly Emirates lidhur me vazhdimin e kontratës. 

Për më tepër, gazeta në fjalë ka kuptuar edhe ofertën që Milan do t’ia bëj atyre. Sipas tyre, Milan do t’i ofrojë 30% të aksioneve të klubit rossoner kompanisë ajrore për një injekcion prej 250 milionë eurove në klub. 

Me këtë, rossonerët tentojnë që të sigurojnë para të gatshme për ndërtimin e stadiumit të ri. Fly Emirates ka kontratë edhe një vjet me Milanin, për të cilën paguan 12 milionë euro për vjet.