Porto shpreson

Porto ka arritur të mposht Sevillan në Estadio do Dragao sonte me golin e vetëm të shënuar nga qendërmbrojtësi françez, Eliaquim Mangala. 

Ndeshja e cilësuar si më interesante e përballjeve çerekfinale të Europa League i takoi sonte vendasve të cilët përfunduan ndeshjen me 10 lojtarë pasi që braziliani Fernando u përjashtua 5 minuta para fundit të takimit, pas dy kartonëve të verdhë. 

Ekipi mysafir i udhëhequr nga trajneri Unai Emery kishte rastet e veta, por nuk ka arritur të shënojë asnjëherë në portën e portugezëve. E sulmuesi kolumbian i tyre, Carlos Bacca, që u bë i famshëm me golat e shënuar ndaj Real Madridit javë më parë, ka qenë i ruajtur mirë nga mbrojtja e Portos - që me entuziazëm kërkon gjysmëfinalen e kësaj gare.