ZVICËR
REUTERS
Basel feston
3 April, 2014 @23:09
Basel ka shënuar fitore të madhe në St. Jakob Park ndaj Valencias sonte. Ekipi zviceran ku luajnë tre futbollistë shqiptarë ka arritur të shënojë fitoren më të madhe të natës në Europa League duke i mposhtur spanjollët e Mesdheut me rezultat të bindshëm 3-0.
Argjentinasi Matias Delgado ka qenë në ‘ditën’ e tij sot duke shënuar dy herë në pjesë të parë, derisa në minutat shtesë të takimit ka shënuar edhe Valentin Stocker për të përfunduar shpresat e spanjollëve.
Sa i përket shqiptarëve, Nuredin Aliji dhe Taulant Xhaka kanë qenë për 90 minuta si gur në mbrojtjen e Baselit, derisa Albian Ajeti mbeti në bankën rezervë gjatë gjithë ndeshjes.
