Goditet Belgjika e Aston Villa

Belgjika ka pësuar goditje të madhe para Kampionatit Botëror Brazili 2014. Përfaqësuesja që pritet të jetë befasi e Botërorit për shkak të gjeneratës që ka në dorë, ka humbur sulmuesin e saj Chritian Benteke, i cili është lënduar rëndë. 

Klubi ku luan ai, Aston Villa, ka konfirmuar lëndimin e tij dhe nevojën për operim, që do ta lë atë jashtë fushave për 6 muajt e ardhshëm - që do të thotë automatikisht - humbje e Kampionatit Botëror ‘Brazili 2014’ për sulmuesin në fjalë. 

Belgjika që ka në skuadër yje të reja të futbollit botëror si Eden Hazard, Axel Witsel, Romelu Lukaku, Thibaut Curtois, Marouane Fellaini e kapitenin si Vincent Kompany do të luftojë për dalje nga Grupi H i ‘Brazilit 2014’ ku bëjnë pjesë edhe Algjeria, Korea e Rusia. 

Gjithashtu, me humbjen e Bentekes, edhe Aston Villës i përkeqësohen punët pasi që mund të rrezikojnë Premier League-në angleze, kur dihet se kanë vetëm 10 pikë më shumë se skudra e fundit në tabelë të klasifikimit, Fulham, gjashtë xhiro para fundit të kampionatit.