Përballjet e Europa League, sonte

Çerekfinalet në Europa League fillojnë sonte. Dy skuadra spanjolle dhe dy skuadra portugeze ndoshta për kah numri bëjnë favorit një fitues të kësaj gare nga gadishulli i Pirinejeve, por në letër, favorit llogaritet Juventus i Antonio Contes nga gadishulli përballë, ai Apenin.

Juventusi nuk pritet të ketë vështirë të mëdha ndaj Lyonit, përkundër se ekipi françez është deri diku i fortë. Por, pasi që këta të fundit po përballen me lëndime të shumta për momentin, kjo shihet si rast ideal për ekipin bardhezi nga Torino - që me çdo kusht kërkon trofeun e kësaj gare për t’i kthyer Bianconerëve krenarinë europiane, për herë të parë pas skandalit, Calciopoli. 

Porto pret Sevillën, që pritet të jetë përballja më interesante e çifteve çerekfinale, derisa Baseli ku luajnë vëllezërit Ajeti do të ketë punë të vështirë për gjysmëfinale pasi që do të duhet të kalojë skuadrën e fortë spanjolle, Valencia. 

AZ Alkmaar, që nuk bëhet hesap nga askush ka një grup të organizuar futbollistësh nga çdo cep i botës. E të gjithë këta të koordinuar mirë nga trajneri - që është njeriu më i famshëm i ekipit - Dick Advocaat, mund të befasojnë Benficën sot. 

Benfica si finaliste e fundit e kësaj gare, do të kërkojë që kësaj radhe ta merr trofuen e Europa League në Lisbonë, por në rrugë për këtë së pari kanë AZ Alkmaarin e papërshtatshëm. 

EUROPA LEAGUE, Sonte:

KUOTAT E WILLIAM HILL: