Prishtina zyrtarizon trajnerin e ri

Skuadra bardhekaltër nga kryeqyteti në vazhdim të kampionatit do të udhëhiqet nga trajneri i ri, Suad Keçi.

Keçi është prezantuar sot në konfernecën për shtyp, ku të pranishëm ishin edhe nënkryetari i klubit, Afrim Muçiqi dhe drejtori gjeneral, Sokol Krasniqi.

“Mesiguri që për mua është privilegj i madh të jem shef i shtabit teknik pas caktimit të bordit të klubit që të jem pasues i Afrim Tovërlanit. Mesiguri se do të vazhdojmë punën aty ku e ka lënë Tovërlani dhe do të vazhdojmë garën për titull deri në momentin e fundit sa të ekzistojnë të gjitha mundësitë matematikore.  Unë falënderoj bordin që ka pasur një besim kaq të madh te unë që sot të emërohem shef i shtabit teknik,” tha Keçi gjatë prezantimit të tij konferencën e sotshme.

Megjithë zyrtarizimin, kontrata e Keçit ende nuk është përcaktuar. Ajo pritet të përcaktohet më vonë, duke pasur parasysh suksesin, ndërsa nuk është përjashtuar mundësia e bashkëpunimit për kohë afatgjate.

Suad Keçi në postin e kryetrajnerit do ta zëvendësojë Afrim Tovërlanin, i cili më parë dha dorëheqje.

Prishtina gjendet në pozitën e dytë të radhitjes tabelare me nëntë pikë më pak se liderja, Llamkos Kosova. Ndeshjen e radhës bardhekaltërit do ta luajnë kundër Hajvalisë.

Tabela aktuale e Superligës.