Fundi i Mazzarrit

Dy gazetat më të mëdha sportive në Itali, kanë botuar sot artikuj, ku thonë se, Walter Mazzari do të shkarkohet në fund të stinorit nga klubi kaltërezi. 

Inter është aktualisht në vendin e pestë të Serie A, pas barazimit të së hënës ndaj Livornos 2-2, përkundër se kishin epërsi 0-2. 

Mirëpo, pasi që katër ekipe janë duke luftuar për një pozitë europiane Inter është në rrezik. Edhe Gazzetta dello Sport por edhe Corriere dello Sport kanë shkruar se nëse Inter nuk arrin së paku Europa League, kryetari i klubit Erick Thohir do të shkarkojë nga detyra Mazzarrin dhe do të kërkojë një strateg të ri për skuadrën e tij të re. 

Për më tepër, Corriere dello Sport, beson se Franck De Boer dhe Sinisa Mihajlovic janë opcionet e para për afrim te skuadra milaneze në rast të largimit të Mazzarrit. 

Shikoni tabelën aktuale dhe ndeshjet e radhës për të parë ku qëndron Inter dhe sa është i rrezikuar për dalje në Europë.