Dënohet Barça, s’ka më transfere

FIFA ka ndaluar Barcelonën që të bëj transfere të lojtarëve në dy stinorët e ardhshëm, për shkak se kanë shkelur rregulluar e transfereve ndërkombëtare duke regjistruar marrëveshje me lojtarët nën moshën 18 vjeçare. 

Tash, ekipi katalonas nuk mund të llogarisë në përforcime të reja deri në qershor të vitit 2015, pra deri në përfundim të stinorit 2015/16. 

“Barcelona ka thyer Rregulloren e transferimeve të lojtrëve duke mos e repektuar Art. 19 të saj. Ata kanë nënshkruar me 10 lojtarë nën moshën madhore. Për këtë arsye, si dënim, atyre u ndalet që të transferojnë lojtarë në ekip, në dy stinorët e ardhshëm, si nga liga e tyre, ashtu edhe nga ekipet tjera ndërkombëtare,” shkruan në njoftimin e FIFA-së të botuar orë më parë në faqen e saj zyrtare. 

“Si shtesë, klubit i është dhënë afat prej 90 ditësh që të qartësojë situatën me të gjithë këta lojtarë. Derisa dënimi i shqiptuar është 450 mijë franga zvicerane për klubin e 500 mijë për Federatën e Futbollit Spanjoll,” thuhet ndër të tjera në njoftimin e FIFA-së. 

Sidoqoftë, interesimi i madh i mediave lidhur me punën e transferimeve nuk ka mbetur pa përgjigje nga FIFA, që ka thënë se Barcelona mund të shesë lojtarët që i ka, por jo të blejë në këtë periudhë të caktuar sipas dënimit. 

Më parë, një rast identik i pat ndodhur edhe Chelseat në vitin 2010 për shkak të transferimit të Gael Kakutas nga Lens. Por ky dënim u tërhoq, pasi që Chelsea u ankua në gjyq, ku doli të ketë të drejtë.