VUSHTRRIA - KIKA
Mehmeti e Maxhuni përmbysin Kikën, Vushtrria fiton dhe merr kreun
31 October, 2021 @15:07
Me rezultat 2-1 e ka mposhtur Kikën sot skuadra e Vushtrrisë, fitore e cila bën që Vushtrria të ngjitet në krye të grupit të saj në Ligën e Parë.
Pjesa e parë e ndeshjes u mbyll 0-1 për Kikën falë golit të Rinor Isufit, e përmbysja e Vushtrrisë erdhi në pjesën e dytë.
Për 1-1 shënoi Adnard Mehmeti, e më pas në minutën e 72’ për 2-1 realizoi Daut Maxhuni, rezultat me të cilin edhe u mbyll ndeshja.
Kjo fitore bën që Vushtrria momentalisht të jetë lidere e Grupit B të Ligës së Parë, kurse Kika momentalisht është e parafundit në këtë grup.
Xhiron që vijon, Vushtrria do të jetë mysafire e 2 Korrikut, kurse Kika e pret Arbërinë në Hogosht.
