FERONIKELI - FLAMURTARI
Merr kreun, shpreson te Drita
1 December, 2018 @14:56
Në ballafaqimin e fundit të stinorit vjeshtor, skuadra e Feronikelit ka shënuar fitore me rezultat 2-0 ndaj skuadrës së Flamurtarit nga Prishtina.
Për 1-0 u përkujdes Yll Hoxha, i cili shënoi në minutën e 18’, ndërsa fitorja e vendasve u vulos nga goli i Kastriot Rexhës, i cili shënoi për 2-0 në minutën e 56’ të ndeshjes.
Kjo fitore bën që Feronikeli të ngjitet në krye të klasifikimit, mirëpo që sezonin pranveror ta fillojë në krye, kjo skuadër duhet të shpresojë që Prishtina të ndalet nga Drita në takimin e nesërm.
Sa i përket Flamurtarit, kjo skuadër stinorin vjeshtor të Superligës e mbyll me 22 pikë të tubuara.
FORMACIONET STARTUESE
| FERONIKELI: Smakiqi, Islami, Hoxha, Lladrovci, Prekazi, Hoti, Magani, Fazliu, Rexha, Ahmeti, Dabiqaj. FLAMURTARI: Neziri, Maxhuni, Voca, Ahmeti, Dumani, Dragusha, Bruqi, Maliqi, Zeqiri, Shala, Shillova. |
