Mësohet ekipi i ri i Liridon Fetahajt

Futbollisti që me goditjet e tij në momente të rëndësishme, siguroi fitoret për Lirinë në kuadër të Ligës së Parë, ndërsa bashkë me ekipin mundësoi rikthimin e Lirisë në Superligë pas katër vitesh në Ligë të Parë, Liridon Fetahaj pritet të zytarizohet shpejt te ekipi i tij i ri.

Sipas informatave që ka siguruar TopSporti.com 31-vjeçari nga Prizreni pasi që publikoi ndarjen me Lirinë pas përfundimit të stinorit 2022/23 kur u sigurua Superliga, do të luajë në ekipin që po aspiron ndërtimin e skuadrës stabile në elitë, ndërsa dje zyrtarizoi trajnerin Senad Alirifa në krye të ekipit.

Kështu, Fetahaj pritet shpejt të zyrtarizohet te Malisheva si futbollist i ri i saj dhe kjo do të jetë aventura e radhës e tij jashtë Prizrenit, pasi që më parë kishte luajtur edhe për Prishtinën e Ballkanin. Fetahaj njihet me goditjet e tij precize nga largësia, si dhe depërtimet e tij nga e djathta me të majtën e tij.◼️