SPAL 2-2 MILAN
Milan nxjerr pikë në fund ndaj të parafundit
1 July, 2020 @23:54
Një harkim i sekondave të fundit të zëvendësuesit belg te Milani, Alexis Saelemaekers që u devijua nga Francesco Vicari dhe u fut në portë, ka qenë gol që ka shpëtuar rossonerët nga humbja e sontme prej ekipit të parafundit në klasifikim të Serie A-së, SPAL.
Milan me zëvendësuesit ka arritur që rezultatin prej 2-0 ta bëj 2-2 [Valoti 13, Floccari 30 - Leao 79, Vicari 90ag] në fund, derisa tërë pjesën e dytë ka luajtur me një lojtar më shumë në fushë, pasi që Marco D’Alessandro i SPAL-it mori karton të kuq në fund të pjesës së parë të ndeshjes.
Pika e fituar sonte, e ngrit Milanin mbi Veronën dhe e afron në dy pikë te Napoli që është i gjashti në klasifikim. Ndërsa SPAL me lojën e treguar, përkundër pozitës, mund të shpresojë ende në mbijetesë.