LA LIGA
Milan, ofertë për Carvalhon
16 November, 2012 @15:02
E përditshmja spanjolle e afërt me Real Madridin, Marca, në numrin e sotëm ka bërë të ditur se dje Real ka pranuar një mysafir nga Milani në zyret e veta.
Drejtori i rossonerëve, Adriano Galliani, është takuar me kreun e Realit, Florentino Perez dhe ka diskutuar në lidhje me tre futbollistë të mbretërve.
Asnjëri nuk do të shkojë në Milan, por Galliani lë ofertën në tavolinë
Burimet e Marcas kanë bërë të ditur se Galliani është interesuar për mbrojtësin portugez, Ricardo Carvalho, pastaj spanjollin Raul Albiol dhe ish lojtarin e tyre, Ricardo Kaka.
Perez i ka thënë një “jo” të madhe në lidhje me Albiolin, e Kaka është ende i shtrenjtë, derisa për Carvalhon ka dhënë leje që të bisedohet. Mirëpo, Marca është e bindur se portugezi nuk do të kalojë për asnjë kusht në Milan, pasi që edhe ai por edhe familja e tij janë të stërkënaqur në kryeqytetin spanjoll.
Galliani sidoqoftë ia ka lënë ofertën në tavolinë Carvalhos, ku i ofrohet 2 vjet e gjysmë kontratë me 9 milionë euro rrogë për këtë kohë.
