3 SKUADRA DEKLAROHEN
Milot Rashica negativ në coronavirus
2 May, 2020 @22:11
Tre skuadra të Bundesligës kanë bërë të ditura zyrtarisht se nuk kanë asnjë të infektuar nga coronavirusi sot.
Eintracht Frankfurt, Bayer Leverkusen dhe Werder Bremen janë skuadrat që kanë qartësuar se nuk kanë asnjë futbollist dhe person nga stafi të infektuar.
Rrjedhimit, edhe reprezentuesi i Kosovës Milot Rashica, që është lojtari më i dalluar te Werderi - ka dalë negativ.
Derisa Bundesliga po shikon rikthimin e ndeshjeve në mes të këtij muaji, Werderi i Rashicës do të ketë punë të madhe për të bërë, ashtu që të shpëtojë stinorin, pasi që është në rrezik prej rënies nga elita.
