MONACO-MARSEILLE
Monaco trondit Marseille’in
27 August, 2017 @22:51
Skuadra e Monacos nuk ka të ndalur. Ekipi kampion i Francës përkundër të gjithave po vazhdon me super-lojën e tij dhe sonte ka shënuar edhe fitoren e katërt me radhë në elitën e Francës, duke e mposhtur Olympique Marseille‘in në derbi, 6-1.
Për 45 minuta, derbi e kuptoi fituesin. Monaco avanconte 4-0 që në pjesë të parë, ndërsa në pjesë të dytë, pak më qetë për 6-1 përfundimtare.
Radamel Falcao është në formë tepër të mirë. Ka shënuar dy gola sonte, derisa i kërkuari Kylian Mbappe qëndroi për 90 minuta në bankën rezervë.
Rudi Garcia me Marseille‘in nuk kanë çka të bëjnë më shumë ndaj ekipeve të tilla, derisa pikët duhet t’i kërkojnë diku tjetër nëpër Francë, pasi që prej tash mund të thuhet lirisht se vetëm Paris St Germain e Monaco duken ata që do të vazhdojnë drejt titullit.
