Mourinho në korrik me ekip të ri

Jose Mourinho, trajneri portugez, që së fundi nuk impresionoi te Chelsea dhe u largua nga aty, zyrtarisht ende nuk ka ekip të ri në menaxhim.

Strategu i shumëvlerësuar është spekuluar të ketë arritur marrëveshje me Manchester Unitedin, mirëpo gjithçka ka përfunduar me kaq, tani për tani.

“Dua të vazhdojë me futbollin europian edhe disa vite, ashtu që të kënaqem me gara europiane dhe ligat e tyre. Do të nis diku stinorin e ri. Kurrë nuk duhet thënë, kurrë!” kanë qenë fjalët e Mourinhos të transmetuara sot nga mediat e huaja thënë në Meksiko, pranë Kongresit të 53-të të FIFA-së.