WEST HAM 3-2 CHELSEA
Foto: premierleague.com
Mposhtet Chelsea, nuk arrin pozitën e tretë
1 July, 2020 @23:15
Rast ideal për të dalë në pozitën e tretë të tabelës së Premier Ligës ka pasur Chelsea sonte.
Por ekipi i Frank Lampardit nuk i ka bërë ballë West Ham Unitedit që ka kërkuar me çdo kusht fitoren për të dalë nga zona e rënies së Premier Ligës.
West Ham United ka shënuar fitore 3-2 [Soucek 45, Antonio 51, Yarmolenko 89 - Willian 45p, 72] ndaj Chelseat sonte, ndërsa ekipi nga Stamford Bridge tashmë rrezikon edhe pozitën e katërt pasi që Manchester United e Wolves janë në pritje të gabimit të radhës për të kërcyer në pozitën që dërgon në Champions League.
