MIQËSORJA
Mposhtet Shqipëria
31 May, 2014 @21:22
Shqipëria është mposhtur në ndeshjen e parë përgatitore për EURO 2016.
Mungesat e disa lojtarëve kyq të përfaqësueses kuqezi janë vërejtur sonte, në miqësoren ndaj Rumanisë, të cilën kuqezinjtë e humbën me rezultat minimal 0-1.
Ka qenë futbollisti me përvojë më të madhe te rumunët, Razvan Rat, që ka shënuar në minutën e 82-të të ndeshjes për fitoren e rumunëve.
Sidoqoftë, testi i De Biasit me disa lojtarë, ishte i mirë dhe pritet që në ndeshjet tjera të adaptohen më mirë me ata të vjetrit.
Në ndeshjet tjera Shqipëria ndeshet me Hungarinë dhe San Marinon.
