Fantasy TopSporti
Të gjitha lajmet
Tabelat dhe Rezultatet

MESFUSHORI OFANZIV

Muhamed Dubova prej Gjilanit kalon te FK Dubnica

Muhamed Dubova prej Gjilanit kalon te FK Dubnica


1 February, 2022 @10:58

Gjilani ka njoftuar zyrtarisht dje se futbollisti i tyre Muhamed Dubova është transferuar te ekipi sllovak, FK Dubnica nad Vahom.

Gjilani nuk ka bërë të ditur detajet e transferimit të lojtarit, por ka treguar se futbollisti i është bashkuar radhëve të ekipit, që garon në ligën e dytë të Sllovakisë.

Lideri i pjesës vjeshtore të stinorit ka falenderuar Dubovën për bashkëpunimin me skuadrën dhe i ka dëshiruar fat në karrierën e tij.

Në anën tjetër nga FK Dubnica nuk ka pasur asnjë njoftim lidhur me transferimin e lojtarit. Por, vetë Dubova 20-vjeçar ka bërë të ditur kalimin e tij te ekipi sllovak, derisa ka falenderuar Skifterat dhe trajnerët për mbështetjen e dhënë ndaj tij.

“Nga sot do të jem pjesë e ligës sllovake në klubin Dubnica nad Vahom. Jam i motivuar dyfish më shumë ngase do t’a prezantoj denjësisht imazhin e kombit tim,” ka shtuar mesfushori ofanziv që luan edhe si sulmues, në postimin e bërë në llogarinë personale të Facebookut.

Vlera e tij sipas Transfermarkt llogaritet të jetë rreth 25 mijë euro, që edhe mendohet të jetë shuma sa ka paguar ekipi sllovak drejt të kuqve nga Anamorava.


 
Të gjitha lajmet nga FFK Superliga