Fantasy TopSporti
Të gjitha lajmet
Tabelat dhe Rezultatet

SULMUESI KUQEZI

Myrto Uzuni drejt LaLigas, Ferencavarosi e falenderon zyrtarisht

Myrto Uzuni drejt LaLigas, Ferencavarosi e falenderon zyrtarisht


31 January, 2022 @23:12

Sulmuesi i Shqipërisë, Myrto Uzuni, edhe zyrtarisht nuk është më pjesë e ekipit të Ferencvarosit të Hungarisë.

Futbollisti 26-vjeçar nga Berati bëhet anëtar i ri i ekipit të Granadas në La Liga të Spanjës, ndërsa klubi i tij aktual nga Hungaria ka lëshuar videon e falenderimit për lojtarin pak më parë.

“Myrto Uzuni ndahet nga Ferencvarosi pas dy viteve të kaluara këtu. Një titull kampioni i Hungarisë, një Kupë janë trofetë e fituara si dhe paraqitje në fazën grupore të Europa Ligës. Të falenderojmë për gjithçka,” ka shkruar klubi hungarez pak më parë.

Granada është në pozitën e 14 në renditjen tabelare të La Ligas, ndërsa ka 24 pikë.

Ai pak pas orës 23:00 u bë zyrtarisht lojtar i Granadas, derisa klubi i tij i ri ka bërë të ditur se ai ka nënshkruar deri në qershor të vitit 2025.

“Lojtari i ri i rojiblancove ka përvojë nga Europa Liga dhe Liga e Kampionëve, ndërsa është futbollist i rregullt i reprezentacionit të Shqipërisë,” ka shkruar ndër të tjera Granada në njoftimin prezantues për Uzunin.

Uzuni ka kaluar testet mjekësore te Granada dhe do t’i bashkohet të enjten bashkëlojtarëve në stërvitje.

Myrto Uzuni


 
Të gjitha lajmet nga La Liga